Zemir Zemir Yilegnal | ዘምር ዘምር ይለኛል

ዘምር ፡ ዘምር ፡ ይለኛል ፡ ቀኝህ ፡ ስለደገፈኝ
ድቅድቁ ፡ ሌሊት ፡ አለፈ ፡ የሚነጋ ፡ ያልመሰለኝ
ባለውለታዬ ፡ ሆይ ፡ ብቸኛ ፡ መመኪያዬ
እውነትም ፡ የጭንቅ ፡ ነህ ፡ ልክ ፡ ነበረ ፡ ምርጫዬ

ያ ፡ የጨለማ ፡ ዘመን ፡ አለፈ ፡ አበቃ
ምርኮ ፡ መጣልኝ ፡ እየጐረፈ ፡ ፡ አበቃ
የሀዘን ፡ ሸማ ፡ ከላዬ ፡ ወልቋል ፡ አበቃ
ሰላሙ ፡ ልቤን ፡ አጥለቅልቆታል ፡ አበቃ

በቃ ፡ ሲለዉ ፡ አበቃ ፡ ገደብን ፡ አበጀዉ
ያስጨነቀኝን ፡ ሁሉ ፡ ለበጐ ፡ ለወጠዉ
ኤፍታህ ፡ ብሎ ፡ ለቆኛል ፡ በደስታ ፡ ልቀኝለት ፡
ይሁን ፡ ያለው ፡ ይሆናል ፡ ተው ፡ ባይ ፡ ከልካይ ፡ የለበት
ይብዛልህ ፡ ክብር ፡ ይብዛልህ ፡ ምሥጋና የመኖሬ ምስጢር ጌታ አንተ ነህና
ይብዛልህ ክብር ይብዛልህ ምስጋና የመቆሜ ምስጢር ጌታ አንተ ነህና

ዞር ፡ ስል ፡ ወደኋላ ፡ ታሪኬ ፡ ሚናገረው
ባወራ ፡ የማላፍርበት ፡ ረዳቴ ፡ እግዚአብሔር ፡ ነዉ
ለዚህ ፡ ነዉ ፡ መታመኔ ፡ ዝም ፡ ብሎ ፡ ሚያዘምረኝ
በሚያስፈራው ፡ ወጀብ ፡ ላይ ፡ ሰማሁት ፡ አለሁህ ፡ ሲለኝ
ከአለት ፡ ንቃቃት ፡ ልውጣ ፡ ከጥሻው ፡ አበቃ
በገናን ፡ ላንሳ ፡ ስለውለታው ፡ አበቃ
ድምጼ ፡ ይሰማ ፡ በሁሉም ፡ ስፍራ ፡ አበቃ
ለሥሙ ፡ ማጠን ፡ ነው ፡ የኔ ፡ ስራ ፡ አበቃ

በቃ ፡ ሲለዉ ፡ አበቃ ፡ ገደብን ፡ አበጀዉ
ያሰጨነቀኝን ፡ ሁሉ ፡ ለበጐ ፡ ለወጠዉ
ኤፍታ ፡ ብሎ ፡ ለቆኛል ፡ በደስታ ፡ ልቀኝለት ፡
ይሁን ፡ ያለው ፡ ይሆናል ፡ ተው ፡ ባይ ፡ ከልካይ ፡ የለበት ፡