Redate! | ረዳቴ!

እንዳላየ በሚያልፍበት - የከበበኝ ይህ ሁሉ ሰው
በሞት ጥላ ስር ካለሁበት  -   እግዚአብሔር ነው የደረሰው!  [አዝ]

“በችግሩ - ‘እግዚአብሔር ሆይ’  - ለምን ይላል - በደረቁ”
“አላየዉም - አልሰማዉም” - ብለው ሳቁ ተሳለቁ!
አምላኬ ግን - አልሰጠኝም - ለሳቁብኝ አሳልፎ
ድካሞቼን - አስወገደ - እንደጊዜው አረጋግፎ!

[አዝ]


ብዙ ሰልፎች - በነፍሴ ላይ - ሲንጓደዱ እየዋሉ
አልፎኝ ሄዷል ብዙ ጊዜ - ከንፈር መጦ ሰው ላመሉ!
“ማን ያድነኝ?” ባልኩት ጩኸት - ይነግዳል ግብዝ መንጋ
በዙሪያዬ ካሉ እጆች - የ’ሱ ብቻ ተዘረጋ!

[አዝ]


ትናንትና በደም ገንዝብ  - ኑሮ አቁመው የደመቁ
አሁን የሉም ጠፋፍተዋል - እንደጤዛ አየደረቁ!
ለምለም መሳይ የጊዜያዊ - መንገዶችን በለመዱ
ዛሬ አልቀናም ተምሬያለሁ - እሄዳለሁ በመንገዱ!

[አዝ]


የሰው ልቡ ይታበያል  - መነሻዉን እየረሳ
ቀን ሲያልፍለት እድል ሲያገኝ - የወደቀን አያነሳ!
በመከራ መሸሸጊያ - በክፉ ቀን የሚጠራ 
እግዚአብሔር ነው ፈጥኖ ደራሽ - እንደጊዜው የሚሰራ!

[አዝ]