Misikir Nen Egna! | ምስክር ነን እኛ!

በተጣለች አለም - መሃል የዘመትን
የምንለመልም - ዘዉትር እየሞትን
ትውልድን ለማትረፍ - ከዘላለም ቁጣ
የመዳንን ወንጌል - ይዘን የምንወጣ…
(ምስክር ነን እኛ!)  -  [አዝ]


ጥበባችን ሁሉ - ሞኝነት ‘ሚመስል
የእግ’ዚአብሔርን ፍቅር - ለሰው የምንስል
ሲረግሙን መራቂ - ላሳዳጆች ፀላይ
መልካም የምንመኝ - ጠላቶቻችን ላይ…
ምስክር ነን እኛ!

[አዝ]


ዋጋችን በሰማይ - ሀይላችን በፀሎት
ምንዳን የማንሻ - ለምድር አገልግሎት
ኢየሱስን ይዘን - የማናቀረቅር
መንገዳችን ቀና - እርምጃችን ፍቅር…
ምስክር ነን እኛ!

[አዝ]


“የምን ደርሶ አዋቂ - የምን ደርሶ አቡን
አጉል ጠበቃዎች…” - ሲሉ ቢያዋክቡን
ቢያላጉን በጥፊ - ቢያዳፉን በጡጫ
በስል ምላሳቸው - ብንሆን ማላገጫ…
ምስክር ነን እኛ!

[አዝ]


በሞት ጥላ ግርዶሽ - ተከበው ለኖሩ
ብቃት አጣን ብለው - አጋዥ ለሚጠሩ
የምስራች ይዘን - ለህዝቡ ወጥተናል
ዛሬም እንላለን - ኢየሱስ ያድናል!!
(ኢየሱስ ያድናል)