Bizalign | ብዛልኝ

አንተ የሌለህበት ቦታ ለምኔ 
ሃገር ለምኔ ከፍታ ለምኔ
አንተ የሌለህበት ህብረት ለምኔ
መዝሙር ለምኔ ወሬ ለምኔ
    
አስጠጋኝ ወደ እቅጅህ 
ወዳየህልኝ ወደ ሃሳብህ

የእግሮቼን ጉዞ መትርልኝ  
የአንደበቴን ቃል ስፈርልኝ 
ለፈቃዴ ገደብን አብጅለት 
ሞገደኛው ልቤ ይወቅ ለከት
አስተምረኝ በየት ልውጣ ማለት
አስተምረኝ ምን ትላለ ማለት 

አይኖቼ እያዩ ቅጥቅጧን ሸንበቆ ደግፈህ ስታቆማኝ
እያወቀ ልቤ የምጤሰውን ጧፍ ቀርበህ ስታበራኝ
ጆሮዬ እየሰማ ለራስ ማልበቃውን ስታተርፈኝ ለሃገር
በቀረልኝ እድሜ  ከአንተ ሌላ ውጭ አፌ ምን የናገር

አሁንም ብዛልኝ እንዲረዝም እድሜዬ
አብልጬ ልጠጋህ እንድደምቅ  ማታዬ
ሁነኝ መዋያዬ በቀረልኝ ዘመን
መንገዴ እየነጋ እስክሆን ሙሉ ቀን 
  
ዉሎ ካንተ ጋር አድሮና ሰንብቶ 
ማን በትናንት ቀረ ከአንተ ብዙ ቀድቶ
የለውጥ ጅማሬ ነህ የሕይወት ማጣፈጫ
የተጠጉህ ሁሉ ወጥተዋል በብልጫ

ሰሞነኛ እንዳልሆን አድሮ እንዳልሰለች
ጉልበቴን ላስጠጋ ወደ ቃሎችህ ደጅ 
ዘመንን ዘላቅ  እንድሆን  ነገሬ
ዙረቴን አቁሜ ልፈልግህ ዛሬ