Biete Seri | ቤተ ፡ ሰሪ

ባማረ ፡ ባጌጠ ፡ ቤት ፡ ውስጥ ፡ ተሰይሚያለሁ
በተዋበ ፡ ህዝብ ፡ ተከብቢያለሁ
ዙሪያዬን ፡ የማየው ፡ ሁሉ ፡ ለዓይን ፡ ይስባል
እኔ ፡ ግን ፡ ታምሜ ፡ ውበቴ ፡ ጠፍቶኛል

ከቤትህ ፡ ውስጥ ፡ እያለሁ ፡ እኔ ፡ ጐድያለሁ
ለሚያየኝ ፡ ለስሙ ፡ እኔ ፡ እንዳለሁ ፡ አለሁ
ቤትህን ፡ ሲሞላው ፡ ዕልልታና ፡ ሆታ
እኔን ፡ የሚያውከኝ ፡ የነፍሴ ፡ ጭንቀቷ

የአንተ ፡ ቤት ፡ እኔ ፡ ነኝ ፡ የእኔ ፡ ቤት ፡ ሌላ ፡ ነው
ቤተ ፡ ሰሪው ፡ በዝቶ ፡ መላ ፡ የሚለኝ ፡ ማነው
ቀርበህ ፡ ሳለህ ፡ ከደጅ ፡ ልትመጣ ፡ ወዳጄ
እንዴት ፡ ይሆን ፡ የማይህ ፡ እሩቅ ፡ አገር ፡ ሄጄ

ያዳራሹ ፡ ውበት ፡ እኔን ፡ ሸፍኖኛል
ግዑዝ ፡ ከእኔ ፡ በልጦ ፡ አልፎ ፡ ይኮንነኛል
በጌጥ ፡ የታጀበ ፡ ቤቱ ፡ ተሰርቶ ፡ አልቆ
ልብ ፡ ሁሉ ፡ በእጁ ፡ ነው ፡ የእኔን ፡ ቦታ ፡ ወስዶ

ይበል ፡ እርሱም ፡ ይመር ፡ ቦታም ፡ አይጥበበን
ግን ፡ ለታደሰ ፡ ቤት ፡ ምነው ፡ አጉል ፡ አጉል ፡ ሆነ
እኔ ፡ ካልተደስኩኝ ፡ ካልሆንኩኝ ፡ እንደ ፡ ቤቱ
ትርጉም ፡ የለሽ ፡ ኑሮ ፡ ድካም ፡ ነው ፡ ለከንቱ

ቀኑ ፡ ቀርቧል ፡ እያልን ፡ ፍጻሜ ፡ የዘመን
ከንቱ ፡ ቤት ፡ ስንሰራ ፡ ዘለዓለሙን ፡ ትተን
ተላልፈን ፡ እንዳንቀር ፡ አቤቱ ፡ አደራ
የተጣልን ፡ እንዳንሆን ፡ እንደነበርን ፡ ሥምህን ፡ ስንጠራ

ሥምህን ፡ ስንተጠራ ፡ ሥምህን
አደራ ፡ የነበርን
ሥምህን ፡ ስንጠራ